【早霸王】女神送粥探病兼睇戲食飯 森美又中伏:你有男朋友?

撰文:
最後更新日期:

每逢一到星期五這個日子,就知道是表白環節「你知道唔知道有人掛住你」的時候,上集出街阿年玩交友App識女仔,被網民鬧爆是渣男,覺得他醉翁之意不在酒,明顯就是在約炮,連番出軌,活該女友不跟他復合。

今集打電話上來的叫阿John,是個八十後,他這次希望森美、小儀幫他鼓起勇氣向女神表白,他形容女神:「喺我心目中係好靚,而我係普普通通一個男仔囉,我都知佢有其他人追緊,所以唔知有冇機會。」女神是阿John的同事,提起她阿John總是口窒窒,「佢新入嚟嗰時我哋識,識咗9個月左右,新入黎就冇乜留意佢,但由3個月前就越黎越多合作機會,接觸多左……」

上集森美都話唔可以原諒阿年!(網上圖片)

+2

兵仔最忌有自信,森美立刻追問阿John與女神之間的關係:「你覺得佢鍾唔鍾意你。」阿John不直接回答,他用例子告訴你:「佢喺我唔舒服嘅時候買粥我食,我生日嗰陣又會Book間餐廳同我食囉。」這行徑遠超越男女之間普通朋友的關係,森美指出:「佢都好主動喎,咁樣佢好表明喎!」但小儀多問一句,普遍朋友也會吃生日飯,會不會想太多?阿John補充說:「佢係一早約左我,早個幾禮拜約我話同我慶祝,話你生日嗰日不如我陪你食飯阿啊,唔係淨係食飯,晏晝睇完戲,之後行街再食飯。」如此花心機鋪排跟你慶祝,森美覺得女神肯定對阿John有意思,他說:「佢唔鍾意你就有問題,畀錯Signal!淨係一餐飯就諗多咗,但又睇戲行街就肯定鍾意你!」

森美今次都估錯咗。(視覺中國)

+2

之後森美小儀決定幫手撮合他們,Call out給女神,阿John聽完森美的分析之後,有如吃下定心丸,直接跟女神表白:「我鍾意你啊,你鍾唔鍾意我?可唔可以同我一齊?」但之後竟然出現Dead Air,女神反應驚訝問:「吓?私底下講得唔得啊?」森美追問:「點解要私下講?你有男朋友喇?」女神默認道:「嗯,係啊。」最後森美打圓場道:「錯Signal啦,真係錯得難譜,如果生日編排成日嘅話,佢真係做多咗!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。