IU記者會爆減肥秘訣：飯可以唔食！　約香港Uaena去濟州島相遇

韓國國民妹妹IU（李知恩）今日來到香港，為她明天的《2017 IU Tour Concert "Palette" in Hong Kong》開記者會。IU同現場Uaena（又稱：U-ana）（IU粉絲）打過招呼過後，再接受香港記者提問，有人問到IU係一位「萬能idol」，又會唱歌、拍劇、上綜藝等！問到近期工作時，IU就表示：「最近同李善均前輩一齊拍新劇感到好光榮，而且導演、前輩們以及其他工作人員都好熱情，用一顆好溫暖嘅心對待我，我都會努力做好呢個角色。」

攝影：黃國立

除咗韓劇劇之外，問到IU仲會唔會考慮出演類似《孝利的民宿》嘅綜藝，IU就話：「目前為止都仲未有計劃，如果有其他機會我都會努力出演，希望可以畀Uaena見到我真實既一面。」

大家都知IU同韓國天后李孝利形同親姊妹，原來IU同李孝利仲有佢老公李尚順有個聊天群組，連IU自己都未提起演唱會，李孝利就已經率先喺群組到同佢打氣講「Fighting」！IU又透露自己因為李孝利都去咗濟州島，休息個陣都有去過，真係完全愛上呢個地方！IU仲叫Uaena有機會嘅話點都要去一次，一定會被濟州島嘅美景吸引住，話唔定仲會撞到佢添喎！另外，唔少人都知IU好鍾意食朱古力，更試過因為要減肥，寧願唔食飯都要食朱古力！記者今日見到IU仲咁fit，呢招可能work喎！

2018年就係IU出道10周年，問到有咩未來計劃時？IU就回應：「宜家就拍緊電視劇，亦有為10周年作特別準備，想表現更多更好嘅樣貌俾大家睇！」之後，IU仲講到只要香港Uaena願意同有機會嘅話，都希望可以喺香港拍劇或者電影，希望有一日可以達成呢個夢想。IU更用廣東話問香港Uaena：「你哋願唔願意啊？」Uaena當然大嗌願意啦！更希望IU可以長留喺香港添啦！同時都希望IU今晚在香港可以好好休息，最後全場Uaena仲趁IU臨走前一齊大叫：「Fighting！」為佢加油打氣，而好識氹Uaena嘅IU即用廣東話回應：「加油！聽日見！」暖心到呢！

IU香港記者會可愛廣東話：好掛住大家！　預告concert神秘嘉賓

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/