【最佳拍檔】賈思樂憶鍾保羅最後對白：我真係好唔舒服，拜拜
撰文：鄺鈺瑩
出版：更新：
戚美珍難忘肥姐台慶時在台邊為她打氣的緊張模樣。（影片截圖）
無綫為慶祝50周年，早前特意製作《我愛EYT》節目，更找來一班EYT元老級人馬包括盧海鵬、蔡和平、林建明（大姐明）、汪明荃、古巨基、譚炳文、戚美珍、胡楓及羅蘭等人錄影。而剛播出的《最佳拍檔》，亦請來盧海鵬、大姐明、戚美珍以及賈思樂分享當年的經歷。
盧海鵬同林建明一開場已經互串，氣氛有少許尷尬。（影片截圖）
盧海鵬同林建明兩個加埋雖然過百歲，但把口一樣唔收，不時互串。節目開始時，盧海鵬提到當年「蝦仔嗲哋」環節原先係介紹樓盤，話音未落，在旁的大姐名插嘴表示：「你咁好記性嘅？我成日以為你有腦退化，去睇睇醫生啦！」盧海鵬聽到之後即一臉不爽兼擰歪面。
賈思樂提到故友鍾保羅以及余綺霞時忍不住落淚。（影片截圖）
提到故友鍾保羅（Paul），賈思樂除謂當年離開無綫準備到馬來西亞工作，夜機離開前，Paul趁EYT下午開完會與晚上直播之間的空檔走到他家，送上指南針，祝他無論去哪裏都有正確指引。他說Paul離開之前的晚上曾致電他，以低沉聲線跟他說去不到後日EYT的飯聚，叫他們食得開心點，並謂：「我真係好唔舒服，拜拜！」賈思樂說：「他永遠都唔會講拜拜的。」可惜當翌日他聽到留言時，亦同時接到Paul的死訊。
林建明、戚美珍和賈思樂都話做EYT是他們最開心的時期。(影片截圖）
戚美珍提到盧大偉（David）患病後期心情差，為鼓勵對方，她設計了一份功課給對方。「我跟他說：『盧David，過兩天我同志偉返香港，會來探望你。我現在數3天，我要你每天寫3個笑話，你交唔到作業，我和志偉都不會來。』其實我只是說說，想為他打氣，但到我跟志偉去探望他時，真係好感動。因為佢好不舒服，但也拿出筆記本。」三嫂說時十分傷感，看來對好友依然十分掛念。