姜麗文簽無綫為曝光 拒簽星夢唱主題曲：想自己落手做返音樂
撰文：郭敏玲
出版：更新：
之前Lesley已經出席了TVB50周年台慶。
資深藝人秦沛女兒姜麗文於2010年與哥哥姜文杰組成「Benji And Lesley」出道後，因為堅持製作獨立音樂，沒有簽任何唱片公司，加上數年前在內地發展成績不俗，所以一直鮮有在香港電視台出現。不過她近期透露簽了TVB的經理人合約，未來要在TVB拍劇，更有機會與秦沛父女檔合作。
Lesley好靚。
Lelsey回應《香港01》說：「今次加入TVB都係因為過去幾年都冇唱歌，咁而家搵到一個更好機會，一路唱歌一路拍劇，試多啲唔同嘅嘢。」她透露今次簽約源於無綫高層樂易玲落力照顧，「主要都係樂小姐畀機會，佢對於我嘅諗法都好支持，佢真係好錫我，我都好感恩。」她主動提起樂小姐，打破了以前樂小姐不看好Lesley的傳聞，兩人關係很好。既然簽了TVB，更應該順理成章簽埋星夢喇？但Lesley就Say No，「我都想自己落手落腳做返音樂，因為一直以來都堅持咗做獨立音樂好耐，而喺TVB都只不過係拍下劇咁簡單。」做獨立音樂但沒有唱片公司，姜麗文希望透過簽約TVB增加曝光機會：「就係因為冇唱片公司，都需要有個Platform，等大家成日都見到我。好lucky地TVB好似Family，大家都好welcome我。」
Lesley話唔怕見到ex鄭俊弘會老尷。（視覺中國）
Lesley另一個身份，還是鄭俊弘的前女友。今次簽約TVB，大家都會關心見到前度怎麼辦？Lesley笑言不少人問過她同樣問題，「都唔係咁大件事嘅，我做TVB都係想全力去做嘢，況且都過咗咁耐，我哋都冇任何聯絡，對佢都冇任何hates同negative feelings。（但如果見到佢同新女朋友何雁詩會唔會尷尬？）點會？我會好好祝福佢哋。」
+6