網民怒罵裴勇浚朴秀真　打尖用早產兒氧氣箱漠視探病時間有特權？

以韓劇《冬季戀歌》（港譯：藍色生死戀II）成為師奶殺手嘅裴勇浚（又譯：裴勇俊），兩年前跟女星朴秀真拉埋天窗，翌年更通過經理人公司公開朴秀真有咗BB嘅消息！近日朴秀真再度宣佈有咗第二胎，雖然兩人有喜事加持，但都避唔過被爆出朴秀真生第一胎時竟然享用特權，插隊打尖使用早產兒氧氣箱，又唔遵守探訪時間，隨意帶父母、經理人同埋食物等入探嬰室，完全漠視醫院守則，引起韓國網民強烈不滿！

當事人裴勇浚太太朴秀真，昨晚喺個人Instagram公開發表親筆道歉信「對於最近網絡上大家提出嘅問題進行道歉，並且將被歪曲嘅事情糾正，想同大家講出正確嘅事實。首先，經理人同食物其實只帶到批准進入嘅範圍，並未去到監護病房內部。雖然這是我為了向日夜辛勞嘅醫療團隊表示感激之情，但我承認我嘅不足。此外，父母陪同我喺監護病房內是事實，這是我第一次生BB，由於BB比較早出世，令我判斷力有所下降，因而冇做出正確判斷。對於這部份我正深刻反省中，真係好對唔住！作為有早產BB傷痛嘅母親，未能做到全盤考慮、謹慎行事，我真係真心反省中，對不起！最後，有關於網上流傳插隊使用早產兒氧氣箱並非屬實。以後我作為兩個孩子嘅媽媽，會努力將每件事做到最好。現在呢一刻為咗世上嘅早產兒而祈禱。」

SE7EN前女友朴韓星自爆有BB？　為拍《時尚媽媽》延至2018先結婚

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/