【台慶】余思霆30萬免找簽賬額未到手 慳妹唔敢亂花：都要慳住洗
撰文：郭敏玲
出版：更新：
今屆中華小姐冠軍余思霆加入TVB後，好運keep住嚟，台慶中完一百萬獎金獎品之後，今日又有新劇《好日子》開拍，真係潛力無限呀。一直熱愛Air Jordan嘅余思霆，中獎後有冇立即碌返夠本，買返幾十對？點知佢話：「仲未批，未到手呀！」
余思霆今次喺《好日子》做台妹，唔洗擔心廣東話講唔正。(郭敏玲攝)
余思霆未來兩年都有地方住，所以未要擔心住屋問題住。(郭敏玲攝)
唔係TVB剝削，而是余思霆沒有時間去申請信用卡，但她坦言就算有一筆不用還的錢，都不敢亂洗：「我要慢慢用呢筆錢，起碼都夠我用到三、四年。」因為余思霆來到香港之後，洗費明顯比以前住在紐約多，現在就算有屋住，每個月支出都會成萬蚊，一個人來港仲要學下獨立：「以前係美國仲係學生，都有媽咪煮飯，返學又有媽咪揸車接送，但係而家雖然有地方住，係TVB安排嘅宿舍，餐餐都要出街食，又要買衫。所以都要慳住洗，同埋都要有saving。」余思霆儲錢之後，最想買架車，出入都會方便啲。
早前思霆就在IG透露了家裡收藏很多對Air Jordan！
來到香港，余思霆都變得深閨，嘢都飲少咗：「以前住台灣都會同朋友去夜店飲嘢，因為台灣好興去夜店，啲洗費主要都係嚟自呢度。但係而家喺香港就冇出去玩喇，都玩夠喇，哈哈！」