【誇世代】處女作即拍台慶劇演江美儀囝囝 余德丞：我有盡力做
撰文：溫菁莉
出版：更新：
《誇世代》入面尚家有除了有幾位好「索」嘅千金譚凱琪、龔嘉欣及江嘉敏之外，其中日前登場，飾演二小姐江美儀嘅仔仔余德丞（Dickson），年僅28歲嘅佢都受到不少女觀眾關注。首次拍劇就做台慶劇，仲要身邊全部都係TVB當紅小生花旦， Dickson接受《香港01》訪問時都話當初監製搵自己時受寵若驚，「因為之前有客串過Joe（監製陳維冠）嘅劇集，今次拍外廠同外景都係第一次，仲要同咁多前輩合作，緊張就一定有。」
TVB又有小鮮肉喇，就係有40吋胸肌兼前游泳健將嘅余德丞！
有睇去年TVB嘅奧運節目，對Dickson應該唔陌生。
Dickson未加入娛樂圈之前曾是香港游泳代表隊成員，2014年加入TVB後就擔任體育台的外景主持，其後仲踏足兒童節目，一做就2年，「都有不少小朋友同家族粉絲，雖然而家兒童節目就無做，出街都有啲家長認得我嘅，但體育節目仍會keep住做。」為了學做戲，之前他仲參加埋黃秋生的演藝班，問到今次俾自己幾多分時，Dickson笑言，「又唔可以由自己俾分嘅，但我有盡力做。」提到今次劇中做飾演尚浩洋，第一次拍劇就已經可以同麥明詩及陳嘉寶有感情線，真係艷福無邊，咁今次有無同佢地有kiss戲呢？Dickson就笑住話：「去到最後會有嘅，但都唔算太激，只係蜻蜓點水式咁kiss。記得當時好緊張，始終咁多人望住，呢啲嘢平時唔會公開做架嘛，所以都NG左幾次。」
+16
今次Dickson同麥明詩有感情戲。
其實有不少女觀眾關注到余德丞都唔係無原因嘅，之前曾是港隊游泳代表，又有40吋胸肌，外形又咁靚仔，到底感情生活係點呢？Dickson笑言，「呢啲嘢無理喇，呢嗰年紀工作行先喇！」係囉，如果唔係應該有好多女粉絲心碎！
+2