【荷里活有個大老千】秦沛拍王晶新劇 最佳男配角強勢回歸TVB？
撰文：林迅景
出版：更新：
秦沛真係堅型，唔知《荷里活有個大老千》會唔會有呢一幕呢？（網上圖片）
近年TVB推出愈來愈多的合拍電視劇，除了《使徒行者2》和近日播映中的《溏心風暴3》之外，還有與王晶公司合作拍攝的《賭城群英會》。繼《賭城群英會》之後，又有一套《荷里活有個大老千》即將上映。演員名單陣容都好勁㗎，有秦沛、鄭則仕、謝雪心、李施嬅、蔡瀚億、吳業坤等等。咦，仲有秦沛喎！咪即係秦沛回巢TVB無綫大家庭？
劇入面秦沛角色叫做「龐峰」。（Instagram圖片）
說起秦沛的演藝史，真的是「講到聽日都講唔哂」。對於資深的家庭觀眾來就，認識秦沛應該就要由1983年版膾炙人口的《射鵰英雄傳》，飾演大汗鐵木真開始，其後秦沛參與了大大小小的電視劇超過40套。2002年後更先後獲得4次由TVB《萬千星輝頒獎典禮》的「最佳男配角」提名，並於2003年奪得「我最喜愛的實力非凡男藝員」。如果大家覺得TVB的獎項小兒科，其實秦沛早在第6屆（癲佬正傳）以及第13屆（新不了情）就已經奪得過香港電影金像獎的「最佳男配角」。
不過要數秦沛最為人熟悉的，當然就是在周星馳的《賭聖》中，飾演賭聖的剋星－洪爺，飾演反派入木三分之餘，又不會令人討厭。而在網絡上，秦沛亦因為《五億探長雷洛傳》中的「你大我呀！」一句被cap成圖廣傳。
秦沛做賭王洪爺真係深入民心。
據知，《荷里活有個大老千》這套電視劇的題材是懷舊賭博恩仇，睇落好似係《賭城群英會》的續集，實質是全新的故事，而之前盛傳的男主角陳百祥（叻哥）亦都榜上無名。不過就唔緊要，冇叻哥之嘛，但係有Paul哥（秦沛）喎。劇中有份參演的吳業坤（坤哥）回覆《香港01》時就透露：「無記錯既話，Paul哥今次角色名叫做龐峰，其他就唔可以透露太多。」據資料顯示，《荷里活有個大老千》8月在深圳開拍，11月就已經拍攝完畢。按照王晶以及TVB一向高效率的製作，相信好快大家就睇到Paul哥精湛演技啦！
+2
+3