泰仔Nonkul原來係兵仔 無收過女友聖誕禮物：多數都係我送俾人
要數香港人最愛的旅遊熱點，泰國一定是不二之選，其實近年當地有不少電影同劇集都受到香港觀眾的青睞，就好似今年暑假上映的電影《出貓特攻隊》，除了香港史上最賣座泰片之外，戲中的演員瞬間變成炙手可熱的紅星，在戲中飾演「賓爺」的Nonkul更單拖來港出席聖誕節賤萌熊活動掘金，Nonkul接受《香港01》訪問時，被問到有無試過在聖誕節收過女友送的禮物時，他就尷尬地表示，「我未試過收到女朋友送嘅禮物，多數都係我送俾人！」粉絲聽到呢一句，唔洗講一定已經衝去買嘢俾Nonkul喇！
攝影：梁碧玲
2014出道、現時只有21歲的Nonkul，今年因電影《出貓特攻隊》走紅，當然亦憑一副好身材成為新一代「小鮮肉」，相信過往聖誕節一定收過女友送的聖誕禮物，只拍過一次拖嘅Nonkul就指從來無收過，「無收過女朋友送嘅禮物，得我送俾人咋。但嗰份禮物都唔係買，係我畫畫送俾人。」而他亦時韓國女子組合少女時代Yoona的粉絲，Nonkul訪問期間亦分享了理想型，「鍾意身材好同得意嘅女仔。」當問到現時的感情狀況，他表示現時是單身，相信女粉絲們可以飲得杯落了！提到今年聖誕節，Nonkul就表示因為他與家人都不喜歡街上太擁擠，所以會選擇留在家中度過，咁有無收過一份好難忘嘅聖誕禮物？Nonkul笑言，「小學嘅時候，爸爸送過一個模型俾我，拆左一邊隻手就會變其他模型，好好玩。但近年爸爸就同我講，想買嘅嘢就靠自己搵錢。」
今次來港只逗留48小時的Nonkul，身體抱恙的他在活動結束後接受一連串的傳媒訪問。Nonkul提到今次出席「賤萌熊舞動爆笑聖誕」活動，就話自己係賤萌熊嘅粉絲，仲話有一個好抵死pose係最想用嗰emoji，「最鍾意呢個pose，因為好搞笑。有yes嘅感覺同感覺上令人感覺到有其他特別嘅意思。」咁有無試過對住其他人做過呢個動作？Nonkul就笑說，「無喇，我驚俾人打呀。」至於賤萌熊同自己邊個可愛d？他繼續瞇起招牌笑眼表示，「覺得自己得意d，我唔想自己讚自己，不如俾fans話我知邊個表情最搞笑！」
Nonkul的新劇《Project S- Shoot! I Love You》在上星期六首播，劇中飾演射箭手的他百發百中，他透露為了今次角色練習射箭接近一年，現實生活中亦愛上該運動，「我為了拍劇練習射箭好耐，仲特別去買成副裝備，如果之後唔用都會好晒錢，所以有時間都會去玩。」提到今次Project S中一共有4篇不同運動主題，分別有排球，羽毛球及滑板，問到Nonkul會否對其他運動有興趣時，他就表示，「我都會揀射箭，因為始終泰國比較少人玩嘅運動，如果唔係拍戲，我一定唔好接觸呢個項目，所以我會揀返射箭，比較特別。」講到明年的計畫，現時就讀大學4年紀的Nonkul就話，「一路都有收緊劇本，但而家仲未confirm幾時會落實拍戲。因為今年係我大學最後一年，想先以學業為主。」但各位粉絲都唔洗咁驚之後見唔到Nonkul，因為佢話最快出年會搞fans meeting，希望到時有香港站！