又一亞視猛將加盟無綫?　吳廷燁：合作係開心事

近年不時傳出有亞視人入TVB，今日就有網民爆料，話梁朝偉好友、周星馳同學的吳延燁加盟TVB，不少網友見到消息後都好興奮，更笑指又多位《我和殭屍有個約會》的演員入無綫，網民對那位加盟無綫，一向消息靈通，經常率先爆料都非常正確，不過今次就要失望喇，因為吳廷燁接受《香港01》訪問，表示未有無綫人聯絡過他。

他說：「吓？邊到寫呀？冇喎，真係冇人聯絡過呀，如果真，我係唔怕講，合作係開心事，況且我都係無綫出身啦，其實我都係拍大陸嘢多，一把年紀梗係揾真銀啦。其實如果有，我都想，因為都有好多舊同事過咗去，應該都好開心嘅，希望大家講講下就真係成事啦，哈哈。」