胡定欣演《包青天》主力同包公談情 唔再做打女：留返俾展昭做
撰文：溫菁莉
出版：更新：
大家睇開包青天相信都離唔開查案同查案，但今次胡定欣在新劇《包青天再起風雲》造型活動上透露會同包公談談情說說愛，相信對於觀眾嚟講都應該幾大衝擊！胡定欣接受《香港01》訪問時話覺得只有譚俊彥先carry到包拯呢個角色，「可能佢有daddy嘅影子同感覺，你諗下要做包拯喎，唔係隨便一個演員可以做到，我覺得佢係非常之適合。」
胡定欣飾演嘅雲千羽將會同包青天談下情。（陳順禎攝）
講到今次胡定欣飾演的雲千羽，她在新劇中將會周旋在包拯同由曹永廉飾演嘅孫公策之間，她笑言，「今次辛苦曹永廉喇，要佢暗戀我但我又唔鍾意佢，但今次合作一定好開心。」但點都好，最重要嘅係今次角色她要做「文武雙全」，但打嘅部份就唔太多，「無之前劇集打得咁多，呢啲留返俾展昭做。」提到23年前TVB亦曾拍過由《包青天》，自言當時仲讀緊小學嘅胡定欣就買口乖，「緊係有睇過喇，狄龍同華哥飾演嘅包拯同展昭，嗰陣覺得佢地好型！」
佢覺得只有譚俊彥先carry到包青天呢個角色。（陳順禎攝）
但點唔會開心得過可以同好閨蜜姚子羚再次合作拍劇，「明年3月我地會一齊出發到內地拍攝，j因為上次《同盟》同佢對手戲份唔多，但今次就真係好多。」她透露之後會再到新疆拍攝，仲話會好型咁騎著馬出場。