【誇世代】張繼聰現身大台頒獎禮　說好的封殺咁快玩完？

張繼聰在今年嘅成績真係算唔錯，台慶劇《誇世代》又有佢份，仲拍落唔少廣告，人氣急升！阿聰今午出席TVB廣告頒獎禮上奪得「廣告紅人」獎項，但最搞笑一定係連經過的途人忍唔住話，「乜佢唔係俾TVB雪咩！」，令他哭笑不得。

問到今日現身TVB旗下的廣告頒獎禮，會否感到尷尬，出名轉數快嘅阿聰當然即刻話，「多謝客戶對我嘅支持！」提到佢最近嘅IG都離不開一對寶貝仔女，早前更是囡囡8個月大的日子，阿聰面上立即充滿喜悅，「都無特別慶祝，都係食餐飯。小朋友成長尤其是係呢個時候，有好多發展都好開心。」其後他亦透露最近一家人每晚8點半都會準時開電視睇其主演嘅劇集《誇世代》，仲笑說，「我有私底下爆之後嘅劇情俾個仔聽，睇下佢守唔守到信用囉。so far佢而家都ok，無講俾同學聽。」只能夠說他們一家人實在太搞笑！