龔嘉欣28歲無視禁色令 着高叉泳衣新挑戰
撰文：溫菁莉
出版：更新：
為了紀念入行九周年嘅龔嘉欣，她早前親自策劃拍攝一輯激罕性感相，引起不少網友關注，而日前正忙於為無綫新劇《堅離地愛堅離地》趕戲嘅佢，日前到灣仔拍攝一場泳池戲，仲以一件頭泳裝上陣，原來今次係Katy入行9年首次著泳裝拍劇。龔嘉欣接受《香港01》訪問時表示該泳衣是私伙，至於會否怕早前TVB的禁色令時，她就話唔擔心，「游水着泳衣都係正常，所以唔擔心，出嚟符合劇情，健康就得。」
唔知龔嘉欣係咪開始走少少性感路線？
+8
同場有份一齊拍攝落水戲嘅劉佩玥都凍到騰騰震。
拍攝期間，以一件頭泳裝上陣的龔嘉欣，自言為了今次拍攝，事前做足準備工夫，「我覺得一件頭泳裝相對比堅尼更難着，因為會更顯露到身形，尤其是下身高叉三角骨位，好容易走光，要好小心處理，所以事前已經做足安全措施，貼了很多膠紙以防萬一。」昨晚撞正拍攝泳池戲也是她28歲生日，Katy亦有在IG發言，指過去一年自己成熟了許多，「事業和生活都平穩渡過，少點紛擾的是非，多了對周遭踏實的體會，每一天都是辛勤學習的過程。」龔嘉欣笑言今年生日非常難忘，因為她不諳水性，「入行以來都未試過拍落水戲，今次亦係第一次穿泳裝拍劇，其實我不懂游水，為免阻礙拍攝進度，所以一早向導演申請免落水令，當係『生日禮物』。」
至於去邊度？Katy就笑言連期都未度到，暫未想到地點。
她透露曾經有諗過跟『少婦聯盟』幾個好姊妹搞一個睡衣派對慶祝生，「不過最終都要開工，所以搞不成，其實每年生日都在工作中度過，都幾感恩，如果沒有工開，我反而覺得不自在。」但最開心一定係一班粉絲送上28個壽包俾佢喇，講到生日願望，竟然唔係想快啲搵到Mr.Right，「最希望可以安排一個family trip，跟所有家人一齊去旅行。」