【Do姐再shopping】馬明農夫夾埋氹Do姐 陸永：時運高先見到佢
撰文：張嘉敏
出版：更新：
齊齊去食當地名物open sandwich。
《Do姐再shopping》又有電視未曝光片段喇，今次TVB facebook官方網頁就上載一段「開放三文治篇」的短片，內容講Do姐 (鄭裕玲) 帶領住農夫同馬明 (馬國明) 去到丹麥的哥本哈根，當然要試下當地最出名的Open Sandwich，可以說是丹麥最盛行的名物之一，所以片段中C君話：「如果嚟到呢度無食過Open Sandwich，就等如無嚟過哥本哈根！」
Do姐畀馬明冧暈咗。
就在C君講完這句話之後，平時反應總是慢半拍甚至有些呆滯的馬明，竟然突然變得精靈，借啲易讚Do姐說：「直頭係去過TVB無見過Do姐！」Do姐一聽完即刻冧爆咁話：「哎呀，馬明你真係，點解咁識講嘢㗎啫？」馬明仲要加多句：「我講真心話啫。」真係冧死Do姐。呢個時候農夫的C君同陸永都忍唔住葡萄，C君搞事說：「去咗TVB無見過Do姐咪時運高囉。」Do姐聽完覺得唔對路就問：「你話咩話？」陸永就幫助兜返話：「佢話要時運高先見到Do姐你呀，喺TVB有幾可見到你啫？」夾手夾腳冧返Do姐，氹得Do姐好歡喜。
睇下Do姐畀農夫氹得幾咁開心。