《降魔的》效應紅到上叱咤 胡鴻鈞：套劇令我入到叱吒五強
撰文：林通賢
出版：更新：
電視劇威力真的不能少看，胡鴻鈞《降魔的》劇中飾演石敢當而人氣急升，更由負評變為正評，昨晚更出席頒獎禮獲得人氣獎頂，他亦非常感激《降魔的》效應，他說：「我一定唔會否認呢個事實就係，套劇（《降魔的》出現咗之後，人氣升咗令大家注意我，順便亦都注意埋我嘅歌。其實我覺得冇分㗎。講真，有劇冇歌，我唔會上到903（叱吒男歌手五強）。調返轉可能有歌冇劇，冇呢個幫助的話，我又未必上到五強，所以我覺得係相輔相成。冇話邊個緊要過邊個。只要大家鍾意我就係好。不論係歌抑或演影視。」
胡鴻鈞話，嗰時監製搵佢拍《降魔的》，係因為睇咗胡鴻鈞，吳若希同許庭鏗拍嘅《嘩鬼上學去》。
《降魔的》入屋，連帶劇集主題曲《到此一遊》，插曲《遙不可及》都洗腦，但胡鴻鈞就力sell《情人自擾》《朋友身分》2首分別是今年胡鴻鈞2017年的新歌。同時也是他最自豪的歌曲，因爲這2首歌曲他説著胡鴻鈞一些切身處地的感受。「呢2首歌都係base on一啲自己嘅經歷而寫。」
胡鴻鈞因為《降魔的》人氣急升，更入選叱吒頒獎禮5強。
「我希望可以藉住呢首歌可以令自己放低。其實係我以前中學拍拖17，18歲嘅時候，好多時候係自己自卑同埋自信心唔夠，對對方有好多不必要嘅質疑。可能佢同其他男仔一friend，自己就會好妒忌同埋呷醋。會因為一啲微不足道嘅時，就會引發到自己去發脾氣。其實係交就一定有嘅，不過自己知道呢個只不過係源於自己嘅自卑同妒忌心。」
人紅有樣睇，胡鴻鈞越嚟越有星味。（林迅景攝）