【TVB頒獎禮】視帝視后又玩全民投票  高層杜之克:為公平先遲搞

撰文:
最後更新日期:

頒獎禮擺明就《溏心風暴3》和《誇世代》,馬明要攞獎有難度。

VB台慶頒獎禮記者會今午舉行,除了有一大班有份入圍嘅花旦小生出席之外,係呢個時候點少得好重要嘅幕後推手呢,講嘅就係TVB高層。有指今年《最佳男/女主角》及《最佳男/女配角》將有全民投票,無綫節目及製作副總經理杜之克當然要講返兩句,他接受《香港01》訪問時就話,「係會有觀眾投票、公司同事投票嘅,但到底全民投票係點之後會再有記者會公布。」希望到時唔會突然之間Do姐又有兩票喇!

杜之克話想頒獎禮就長劇,即係預咗要俾獎《誇世代》和《溏心風暴3》啦。

杜之克表示今年頒獎典禮會同以往有異,「因為今年頒獎禮係出年1月21日先舉行,時間尚早,同埋之後今個月20號再有一個入圍名單記者會,到時會一次過宣佈。」有不少網友之前提過今年TVB為了《溏心風暴3》可以有份入圍,所以要順延台慶頒獎禮到1月底舉行,杜之克聞言後就話,「因為而家兩套台慶劇《誇世代》同《溏心風暴3》都係長劇,成4、50集,為了公平起見所以等到劇播完先搞頒獎禮。」

一眾演員都有出席頒禮記者會,袁偉豪亦有份各逐視帝。

問到他覺得台慶劇《誇世代》同《溏心風暴3》邊套好睇啲嘅時候,杜之克笑言好難揀,「我晚晚都睇,兩套都好好,各有各好。」其後提到《溏心風暴3》外界反應就麻麻,他就解釋現時收視機制同以前不同,「其實係年半之外,我地只有一個收視數據,即係純粹睇電視嗰個。但呢一年嚟我地多咗好多唔同平台睇劇,有回播同點播,所以收視係會有唔同。」

王君馨、蔡思貝、高海寧、黃心穎都有提名視后,不過就未算熱門。

無綫又攪全民投票?心水清的觀眾應該記得當年港姐玩全民投票,令冧server事件,不過杜生今日拍心口表示再攪,應該吸收了經驗,TVB應該不會犯同樣的錯誤,不過全民投票究竟佔幾多百分比呢?是不是全部有觀眾決定呢?這一點就算未到20號都估到,一定不會啦,這麼重要的獎頂,左右小生花旦續約的籌碼,又點會將它斷送給網民?所以等20號公佈祥細玩法,看一下全民投票及專業評審佔幾多吧?記住一切都是套路。

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。