【溏心風暴3】打女楊柳青首入大台拍劇:其實好期待喺TVB拍劇

撰文:
最後更新日期:

《溏心風暴3》有一個特點,就是出鏡的女角色十分之多,除了公司入面一堆員工之外,黃宗澤(Bosco)在戲中多達22名女友也是一個原因。不過講到最索,一定是今晚出場的楊柳青(Wiyona),她今次是第一次入TVB拍劇,雖然應該只是客串幾場的性質,不過都已經足夠搶眼。

真係搶晒鏡!(電視畫面)

大家可能未必對她有很多的熟悉,其實Wiyona在2006年已經出道做模特兒,拍過不少廣告和MV,更加和天王劉德華合作拍過Osim天王椅廣告。現年30歲的她依然保持著一幅完美的身材,加上靚樣,實在是迷死不少男性。今次她是飾演黃宗澤其中一個女友,原來Wiyona已經不是第一次跟Bosco合作,在2008年的時候,她已經為Bosco做過唱片的封面女郎,而且仲要面貼面勁親密!

06年已經爭啲鍚咗啖!(網上圖片)

人人都知TVB拍劇會好辛苦,唔知Wiyona又覺唔覺得呢?在接受《香港01》訪問時她說:「其實辛苦無乜,但係好難忘,始終第一次TVB拍劇,點都會有啲緊張。最緊張係一場打戲,係我同Bosco加埋翠如嘅動作戲,我要去side kick翠如,你知著住高跟鞋,有啲位置角色拎得唔好會整親佢,嗰個位都練咗好耐,好深刻。平時學打有拳袋,翠如唔係嘛,又唔可以打到佢。」

因為佢唔係TVB人,可以大膽性感喇!(梁碧玲攝)

不過入得TVB就要努力做喇,話晒全香港都可以免費睇到,的確是一個好好的宣導渠道,她表示:「其實做演員都好期待喺TVB拍劇,仲要係重頭劇,我係好開心嘅,好多謝家豪哥俾呢個機會我。而我本身係一個武打演員,角色又係武打演員,所以真係覺得自己好幸運,可以參與之餘仲可以做返自己同類型嘅角色。」

希望多啲機會見到佢喇!(梁碧玲攝)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。