吳佩慈坐擁50億身家 斥資過千萬塞班島搞電影節

撰文:
最後更新日期:

成年都無更新過微博嘅吳佩慈,日前終於上載同未來奶奶於塞班國際電影節的合照。(微博圖片)

吴佩慈自2014年為男友紀曉波產女後,宣布退出演藝圈,如今連仔都生埋兩個,但名份一樣係未有,不過唔緊要啦,有愛同有錢咪得囉。本身為澳門賭場股東嘅紀曉波,近年將事業發展到塞班島,當中最勁一項就係由紀曉波媽媽崔麗傑投資超過206億人仔嘅博華塞班度假村酒店,自年頭落成之後,已先後舉辦過高爾夫賽、超模大賽。

吳佩慈為紀曉波四年抱三,但二人仍未正式註冊做夫婦。(網上圖片)

而為期三日的塞班國際電影節剛落幕,據知,紀曉波贊助逾7千萬台幣,到場除有香港導演羅啟銳、吳思遠、台灣導演王童之外,大陸導演馮小剛、演員張涵予、郭濤、張翰甚至韓國女團少女時代成員允兒亦都有出席,場面盛大。主人家吳佩慈亦都有現身,並且向一眾電影人表示:「如果有台灣導演想到塞班島拍片,來找我,一定有多方面的支持」。

價值206億人仔的博華塞班度假村酒店。

有指酒店內兩條價值10億的水晶巨龍,係吳佩慈送給未來奶奶的開幕禮物。(網上圖片)

吳佩慈同紀曉波之所以主攻塞班島,最主要係因為博華塞班度假村酒店已獲當地政府頒發40年獨家營博彩業務,零博彩稅之餘,每年只需繳交博彩牌照費1500萬美元。在當地擁有5艘遊艇的紀曉波,亦不時出動私人飛機將客人直送塞班島,令賭場開業未夠一年,已成為全球第四大賭城。而為打造賭業王國,紀曉波亦計劃在當地興建20間六星級主題酒店和主題水上樂園。現年39歲嘅吳佩慈雖然仍未嫁入豪門,但四年抱三嘅佢,單係收樓、收鑽戒已令佢坐擁50億身家。

執導《芳華》的導演馮小剛。(微博圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。