【性在有情】最應該記得嘅女神 陳華鑫唔怕冇機會:我唔鍾意爭嘢

撰文:
最後更新日期:

倉底劇《性在有情》去年放在MyTV SUPER出街後,早前接《雜警奇兵》棒,被安排在「炮灰星期日」的檔期出街。星期日就播出第一集,除了用性做話題比較特別,在劇集內亦發現「女神之光」,就是飾演陳敏之妹妹-陳華鑫。她做一個學生妹,憑住一副天使般的潔淨面孔,加上又pure又true的外型,有網民忍不住要cap圖,大讚她是TVB的滄海遺珠、最應該記得的女神。如今只簽了部頭約、由好期待劇集出街,到現在平常心的她,聽到網友如此留意她,她只講了句:「估唔到今次套劇出返街,令大家多咗留意我!」

陳華鑫是2012年的落選港姐,但靚女指數絕不比同屆的朱千雪、黃心穎及湯洛雯低,只不過待遇上有所不同。不過Gloria自言認清了事實:「之前一選之後,入呢行就知道同佢哋就會有唔同,都唔會同佢哋去比同唔開心。」而她選完港姐之後,沒有刻意規劃自己人生:「我最初對呢行都係一知半解㗎咋,所以唔知入到去會有『可能要捱好耐』、『拍劇好辛苦』呢個講法。當日公司打嚟話入藝訓班,咁我就…好喇!就試下喇。」

真係好pure好true。

人人都有顆事業心,就連初入行時的陳華鑫都不例外。入行之後,一直都僅限於客串、一集戲份,而《性在有情》能夠做陳敏之的妹妹,是她有史以來就多戲份的一次。落過心機記對白,對著鏡頭落力演戲,但成果卻變成了倉底貨,一埋便是兩、三年,失落是人之常情:「其實冇得出街都係會有失望,因為自己最多對白,有落過心機去演,但當時話唔出街,我都唔開心咗一、兩年,呢件事同埋我之後工作壓力大,加加埋埋就搞到荷爾蒙失調,要去睇醫生。」

+5
+4
+3

「平時Period正常都係一個月嚟一次,但之前係一個月嚟兩、三次,就知道出咗事。」醫生向她解釋,由於她工作壓力太大,作息時間不足、日夜顛倒,因此身體出現了警號,如果長此下去,對健康會有不良影響,所以陳華鑫決定改簽部頭合約,讓自己可以放鬆一點:「以前做嘢target要達到某一個數,自己就好緊張唔夠數,搞到壓力好大。條數幾多就唔講喇,但個個月其實都係掹掹緊,我就唔想咁。」而荷爾蒙失調出現後,讓陳華鑫驚覺不應逼得自己太緊,工作與健康之間要作出取捨。「無嘢係比健康重要。而家呢個工作模式,係輕鬆好多,我唔會推Job,有就會做,係多勞多得。」雖然變了部頭約,但做得藝人都想多啲人留意,陳華鑫都想得到機會,但自言性格並不進取,所以都無辦法:「好多人都叫我主動啲爭取機會,我唔係唔想,始終係性格問題,但我不嬲唔鍾意爭嘢,好唔Aggressive,我知道喺呢行係唔好嘅,但性格生成,都冇計喇。」所以女神一直就被埋沒,成為大家眼中的滄海遺珠,頗為可惜。

現在簽了部頭約可以彈性工作,但收入相對會變少,陳華鑫說:「其實喺TVB點都唔會夠使㗎,所以我都有接下廣告,自己都有投資。」至於是否投資有道?Gloria就沒有回應,因為投資涉及風險,自己醒水喇!

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。