劉德華獲頒樹仁大學榮譽博士　上台拋下一句：放心，我係唔會講嘢

素有「民間特首」之稱的劉德華今日獲樹仁大學頒發榮譽博士學位。華仔除了電影、唱歌獲獎無數之外，更先後獲頒授「榮譽勳章」、「非官守太平紳士」等榮譽。
華仔上台時，主持人仲特別花咗成十分鐘時間幸介紹華仔的生平，差不多由華仔初入行開始，講到因為華仔信佛，從而影響佢嘅人生同慈善活動。不過華仔獲頒授之後就只係講咗句：「放心，我係唔會講嘢。多謝晒。」就落咗台喇，真係好型吖！

據知華仔仲係第二位藝人獲授這個樹仁大學榮譽文學博士學位，而第一位就是2014年獲授的白雪仙（仙姐）。現場所見在座起碼有2，300人出席，除了獲頒授學子碩士學位的學生及家長之外，仲有少部分華仔fans到場添。不過現場所見就未有華仔老婆朱麗倩同囡囡到場，唔知佢哋返到屋企會點慶祝呢？