馬國明食住《降魔的》氣勢 開新劇《白色強人》再演醫生 

撰文:
最後更新日期:

兩位朋友今次再度合作,好開心喎。(網上圖片)

TVB最出名的醫療劇,相信都是《妙手仁心》以及《On Call 36小時》,節奏比較明快,都有一定收視。有消息指TVB會再開同類劇,並名為《白色巨人》,本來就有陳展鵬、陳豪做兩大男主角,但後來臨時變陣,唔知係咪因為《降魔的》收得,馬明人氣急升,所以就搵佢同唐詩詠,仲有李佳芯演出,兩人合作無間,包括《鐵馬尋橋》、真相等,今次一齊做男女主角就第一次。

《香港01》就訪問了近期憑《降魔的》人氣急升,兼且準視帝的馬國明,他就確認此事:「暫時都仲係我,會唔會改我就唔知,我聽到就仲係我,好似仲有唐詩詠㖭。不過公司就未公布,所以唔知詳情住,我都唔敢講咁實呀,可能唔係我㗎。」

馬明今次唔駛灰足36小時喇。(網上圖片)

另一方面,馬明之前參與《On Call 36小時》都好有口碑,雖然他與視帝之名擦身而過,變成灰足36小時,但他今次再拍醫療劇,劇集內容會否似足《On Call 36小時》呢?馬明直言:「唔會喇,今次內容唔會好熱血咁㗎喇。《白色巨人》講嘅嘢會再deep啲,好似會講下啲醫療制度,係完全唔同嘅嘢。」

2006年台劇《白色巨塔》當年好HIT好爆。(網上圖片)

其實與其話似《On Call 36小時》,不如話似2006年台劇《白色巨塔》。除了劇名有50%似之外,聽馬明簡介都好似有幾分相似。因為《白色巨塔》描寫了台灣的醫療制度,以及政治生態,而醫生角色表露了不同的價值觀,充滿現實與理想的掙扎。此外,場景為求更加逼真,製作費亦非常巨大,每集預算大約一百萬港幣。至於TVB會否效法,動用巨額金錢,就不得而知,至少故事模式好似差不多。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。