【溏心風暴3】正爸專做老好人其實係懦夫 火姐終於忍唔住發火

撰文:
最後更新日期:

許黃兩家人繼續爭爭爭。

無綫50周年台慶重頭劇《溏心風暴3》已經播了接近3個星期,許旺集團兩家人,即是許家同黃家的爭執與不和亦開始白熱化,之前各人都仲會扮作面和心不和,現在基本上有咩不滿都已經擺晒上面,完全唔驚畀對方知咁樣,擺明要互相鬥過。不過仍然有一個人成日都想息事寧人,就是由始至今都扮演住超級大好人角色的正爸 (夏雨飾演)。明明畀人踩到上心口都唔識反抗,講真,有時真係睇到火都嚟!終於明白點解他老婆叫火姐 (李司棋),對住個咁懦弱的老公好難唔發火,隨時激到嘔血。
以下劇情含少量劇透,逃生門在此

黃家上下都好不滿許家。

今晚播出的第14集入面,向來好遷就許家的正爸就激到火姐發火鬧他喇!劇情講述集團開會時,兩家人都想爭做公司代表出席商界高峰論壇,明明主辦單位已經邀請了正爸,而正爸亦都已經答應了會出席,但許家大少Alan開到口叫正爸畀他去,正爸就好乖咁讓個位畀人,令到黃家上下都好不滿。返到屋企,正爸仲話件事令他好無面,想移民,火姐終於忍唔住爆正爸話:「我就係唔要你咁呀!我唔畀你咁呀!黃永正,你嘅老好人就做到今日算喇,由聽日開始,不准再讓!」好心正爸自己爭氣些啦!

正爸就嚟激死火姐。

火姐對住正爸個咁嘅老公好難唔發火。

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。