【公公出宮】四位公公好老友 曹永廉笑蕭正楠:你咁細隻蕉嘅?

撰文:林迅景
出版:更新:

《Do姐再Shopping》於星期五(12月15日)就是最後一集,緊接落的節目原來是份量人馬都拍得住的《公公出埠》,由黎耀祥、曹永廉、蕭正楠和黃浩然,4位實力兼偶像派演員「嘆」住去旅行。

可惜少了一個陳國邦。(林迅景攝)

《公公出宮》《大太監》,相信大家對劇中的黎耀祥、曹永廉、蕭正楠、黃浩然等人的公公(太監)角色都甚有印象。4個人鏡頭前是拍劇上的好拍檔,鏡頭後更是一班死黨。計計下原來自《大太監》以來已經有4年時間。有見及此,TVB就度身訂造了一個《公公出埠》的旅遊節目給幾位「攞公數」去旅行。

佢哋真係好鬼老友。(林迅景攝)

原來今次去到泰國布吉「又玩又食」的構思已經存在已久。黎耀祥、曹永廉、蕭正楠和黃浩然接受《香港01》訪問時說:「(黎)《大太監》之後大家感情都好好,我哋已經有構思去旅行,公司見我哋咁想去,咪成全我哋囉。(蕭)我都幾次話出錢請佢哋去旅行,但都係湊唔齊人。」

載住超即刻成個氣勢走出來。(林迅景攝)

今天大家一樣都穿著夏日感十足的「香蕉衣」,原來這款衣服是大家旅遊時,蕭正楠出錢買的。而這身衣服更是有一個特別的寓意。「我哋四個公公冇咩呢,而又好想要啲咩呢,就印咗係件衫度。所以就係公公出宮朝氣勃勃。(曹永廉指著蕭正楠說)你咁細隻蕉嘅?」節目中更會有真情對話,互爆秘密等環節,到底4個大男人去旅行嘅節目好唔好睇呢,真係到時先知。

想知他們係咪去神秘地方搥骨?即睇片!

+9