【降魔的】馬國明最想搞音樂會 可以登台唱歌呃飯食：搵吓外快
撰文：鄺鈺瑩
出版：更新：
馬明開聲話想以《降魔的》名義舉行音樂會。
《降魔的》備受觀眾熱捧，除登上Google 2017年「十大本港搜尋排名」之外，連內地嘅「微博最愛萬千星輝選舉」亦入圍「年度電視劇」、「我最喜愛電視男角色」、「我最喜愛電視女角色」。劇集由台慶炮灰變為神劇，相信令唔少大台高層跌眼鏡。
胡鴻鈞同蔣志光合唱片尾曲《遙不可及》，獲唔少網民高度讚賞。
而劇中飾演「石敢當」的胡鴻鈞於「微博最愛萬千星輝選舉」，更力壓三哥（苗僑偉）、馬明和王浩信等人，走勢十分之強，對於自己成為內地網民力捧對象，胡鴻鈞今晚出席祝捷飯宴時，透過Big Big Channel直播時就好謙咁表示自己純屬好彩才接下「石敢當」一角，並謂：「希望有多啲機會去內地唔同地方同大家見面啦。」
胡鴻鈞大有機會順勢到內地發展。
而男主角馬明亦同樣謙虛，他說比起視帝，更希望大家可以將神聖一票投給「最佳劇集」。至於對於能否問續集，佢就話都要睇公司安排，但自己亦都有一個諗法：「希望可以合體搞啲嘢，用《降魔的》呢個item搞個音樂會都得，因為有心姐（謝雪心）、蔣志光、胡鴻鈞同譚嘉儀，同埋其實我哋登台唱吓歌呃飯食，咁多演員一人唱兩三首，又可以搵吓外快。」對於馬國呢個提議，唔少睇直播嘅fans都大表支持同叫好，馬明同黃智雯最後補多一句「同公司反應吓」
+8