《三流之路》金智媛定李幼梨? 誰最有機會拎KBS演技女優秀獎?

撰文:施可瑩
出版:更新:

就到年尾啦!韓國每年年尾都係頒獎禮嘅時節,而今年KBS都有好多不同的好劇引起大家共鳴。香港嘅觀眾就一定睇好《三流之路》金智媛,但韓國網友就普遍認為係《爸爸好奇怪》李幼梨(又譯:李宥利)。到底邊個最有機會拎走今年KBS演技大獎女優秀獎呢?

 《爸爸好奇怪》李幼梨 

李幼梨係韓國人今年覺得可以問鼎KBS演技大獎女優秀獎的首選啊!(網上截圖)
+1

李幼梨在周末劇《爸爸好奇怪》中飾演二女卞惠英,因為同柳秀榮飾演的車正煥用「合約婚姻」方式結婚,話題性同發揮都十足。加上韓國方面,網友對李幼梨出色嘅演技都十分認同,在這樣的情況下,李幼梨絕對有機會問鼎今年嘅KBS演技大獎女優秀獎。

 《三流之路》金智媛

金智媛係《三流之路》咁可愛,全韓國都識扮佢撒嬌架!(網上截圖)
+1

(觀看更多) 

剪短髮就成功?高俊熙、前AOA草娥、朴寶英都係轉髮型先紅!

香港人比較認識的候選人一定係《三流之路》的金智媛,一來《三流之路》有係mytv super播出街,二來金智媛因為《太陽的後裔》而入屋,所以大家對金智媛好感度比較高。《三流之路》以年青人的成長故事,加入愛情元素,輕鬆得來又有意思,同時又係金智媛第一次擔正做女主角,所以當然要支持一下啦!

 《魔女的法庭》鄭麗媛 

鄭麗媛已經有一段時間無係三大電視台拍劇了!
+5

4年之後再次在三大電視台現身的鄭麗媛在《魔女的法庭》中以馬翌一角再次得到大家的關注。鄭麗媛係《魔女的法庭》中扮演不擇手段檢察官,當中的Girl Crush正正合乎時下韓國觀眾的口味。而且《魔女的法庭》在11月28日大結局,因為時間上近年尾,大家記憶都會深刻啲架!

 《金科長》 南相美 

「逆衝」韓劇《金科長》女主角南相美大家會喜歡嗎?(網上截圖)
+6

以17.2%收視率完美收官的收視「逆衝」韓劇《金科長》中,扮演女主角的南相美當然也是有力候補之一啦!南相美因為《金科長》的高冷同見義勇為令大家係劇中搵到一個生活上的寄託,令南相美備受追捧。當然,因為南相美做得入型入格,大家先可以睇得咁投入啦!女優秀獎又點可以少左佢呢?

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/