Wanna One賴冠霖腳軟跌落樓梯 金在奐慘食檸檬？
Wanna One由15日開始一連3日喺韓國舉行粉絲見面會，當然有大批Wannable（Wanna One粉絲名）去支持啦！ 相信大家都知道Wanna One成為國民男團之後，行程一直都非常忙碌，幾乎冇休息時間！Wanna One成員姜丹尼爾都曾經透露過每日大概只有兩個鐘頭去瞓覺。 所以尋日（16日）就有Wannable發現台灣成員賴冠霖喺舞台上面因為身體感到不適，腳軟直接跌咗落舞台出面嘅樓梯，嚇死現場嘅Wannable同工作人員呀！而賴冠霖過咗大概七到八分鐘之後先至重新喺舞台上面出現，其他Wanna One成員都勁緊張去睇下佢有冇事，之後都一直好照顧佢。希望今晚最後一場嘅見面會，賴冠霖可以撐住喇！
2017年韓國最忙偶像組合 TWICE、Wanna One、Highlight齊上榜！
不過就算已經有好多行程，Wanna One都好畀心機去準備唔同嘅表演畀大家睇，金在奐就成功喺Wannable面前表演台上食檸檬？金在奐明明係Wanna One嘅主唱擔當，但就係因為今次喺台上食檸檬被Wannable覺得佢有資格挑戰成為搞笑擔當 。明明一粒好酸嘅檸檬，佢竟然係成個連皮放入口食！睇到隔籬賴冠霖個樣就已經知道有幾酸！但係金在奐竟然仲要同大家講真係好好食，到底係真好食，定係見到啲Wannable所以覺得好好食呢？Wannable嘅立場就梗係心痛啦！仲有Wannable話:「金在奐食之前可唔可以睇下個皮有冇污糟㗎？」好期待到底下次金在煥又會帶呢啲咩新奇嘅表演呢？
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/