李國麟《回到三國》做劉備未夠皮 《火鳳燎原》舞台劇再演曹操 

撰文:陳浩賢
出版:更新:

以三國故事為背景,港產經典漫畫《火鳳燎原》,明年1月將再次搬上舞台,改編成舞台劇《亂世英雄》,而演出曹操一角的則是無綫藝人李國麟,是繼無綫劇《回到三國》後,再一次演繹三角人物,而且由仁義的劉備變為演出一代奸雄,相當出人意表,而且劇中還有文青女神袁澧林飾演小孟一角,讓人十分期待。

李國麟話自己未看過原著漫畫,而演員才是有血有肉有靈魂。(網上圖片)

李國麟現時每晚在《溏心風暴3》出場,演出紳士貴族許家大少Alan,入型入格,其實李國麟入行40年,可以說是扮乜似乜,而這位實力派踏上台板演出舞台劇一樣無難度,對於演出曹操一角,他有獨到的心得,「劉備同曹操係南轅北轍兩個人,最重要係跟隨導演指導去演,去演出嗰個tone。其實我演出舞台劇都唔係新手,幫「藝進」演咗過百場舞台劇,不過嗰啲係鬧劇,亦有幫馬浚偉演過《偶然.徐志摩》。」

李國麟在舞台劇《亂世英雄》中,飾演一代奸雄曹操。(網上圖片)
其實李國麟的曹操造型,跟漫畫《火鳳燎原》中的曹操可說甚為相似。(網上圖片)

眾所周知,舞台劇一般會較為誇張,但李國麟卻笑稱做電視習慣自然,「呢個係正劇,我唔會用好誇張嘅手法去做,只會放大少少個演法,因為舞台劇無close up,要照顧埋後排觀眾,只係動作放大少少。(有否看過原著漫畫?)我冇睇過套漫畫,但我知劇本由漫畫衍生出嚟,再經過編劇改編,加埋導演叫我哋嘅演繹,但漫畫就係畫出嚟嘅,而演員係有血有肉,當然我哋要把握到個靈魂人物啦,幕前幕後互相配合,先可以俾到觀眾一個開心滿意嘅舞台劇。」

+3

近日內地熱播的劇集《軍師聯盟》,劇中飾演曹操的演員于和偉,演技大受好評,而且跟李國麟一樣,不但演出曹操,之前還演過劉備角色。李國麟表示:「我從來唔會去同人比較,我就係我,佢就係佢,若要人似我,除非兩個我,佢哋搵得我梗係用番我嘅演繹手法啦,但舞台劇唔係只係睇我,要幕前幕後配合。有少少遺憾嘅係我幕前工作頗忙,雖然我演出可以勝任,但擔心對手對我嘅信任感唔夠,始終我排戲嘅時間比較少,但在我立場只可以盡我能力做到最好,出嚟效果就要等觀眾評定。」

李國麟在無綫劇集《回到三國》中,曾飾演劉備一角。(網上圖片)
內地演員于和偉,在《軍師聯盟》和《三國》中,分別飾演過曹操及劉備,而李國麟就話不會去比較。(網上圖片)

劇中除了李國麟、袁澧林,還有葉進(飾陳宮)、陳健豪(飾呂布)、喇英(飾張遼)、郭穎東(飾郭嘉)、鄭嘉俊(飾荀彧)、文傑聰(飾遼原火)、陳仕文(飾司馬懿)等資深舞台劇演員。舞台劇《亂世英雄》講述呂布中了水鏡八奇之計,跟手下陳宮、張遼均成為階下囚,但最後只有張遼生還,究竟當中發生了什麼事,「真相」又是如何呢?留待觀眾慢慢入場欣賞。