【萌寵小大人】劉濤不滿節目逼迫小朋友：你們想要的太多了
撰文：鄺鈺瑩
出版：更新：
劉濤於節目中要照顧小朋友同六隻狗，有愛心有耐性。
主演過《瑯琊榜》及《羋月傳》的劉濤，才剛與老公王珂做完真人秀《親愛的客棧》的她，最近單拖出演愛奇藝嘅《萌寵小大人》，節目為培養小朋友有面對社會嘅能力，於是安排6名介乎5至7歲嘅小朋友去照顧寵物，而劉濤同男星曾舜晞就從旁協助。
但培養孩子「社會能力」點解要執狗屎？
要培養小朋友有面對社會嘅能力，方法其實有好多種，但唔知點解呢個節目會選擇照顧寵物，而其中一個環節係去到大草地上執狗屎，莫講話小朋友，連劉濤都覺得難頂，不過佢仍然充滿愛心咁去協助一班小朋友，見到其中一名小女孩作嘔，抱佢離場之餘，亦好有耐性咁解釋比佢聽點解要執狗屎。玩完一日，劉濤要幫小朋友沖涼同哄他們睡覺，由於曾舜晞受傷要去醫院睇醫生，劉濤變相一打六，鐵人都頂唔順：「這個還是很費體力、費精力、費神，其實我特別想找個地方靠著」
劉濤最後選舉對工作人員發火。
在下期預告中，劉濤眼見到小朋友開始打打打鬧、加上有人嘔吐嘅埸面，似乎令佢有啲燥，不過，佢就無將啲情緒發洩到小朋友身上，而係工作人員：「不要一直在壓迫，每個人看了都會吐，我特別想譴責這件事情，你們想要的太多了」，佢反問工作人員點解要求小朋友一定要做到大人想要嘅嘢，並謂「我就不想這樣」。大陸綜藝節目為效果為收視，有乜做唔出？