【公公出埠】曹永廉幫鄭嘉穎清屎 蕭正楠一提婚事勁敷衍
撰文：鄺鈺瑩
出版：更新：
諗起自己幫鄭嘉穎挑屎搞到成面都係屎……
由黎耀祥（祥仔）、曹永廉（阿廉）、蕭正楠 （Edwin）同黃浩然做主持嘅《公公出埠》接捧《Do姐再Shopping》，４個去到泰國布吉玩樂之餘，亦不忘分享吓心事，間中再互串一番，都幾好笑。
而尋晚（19號）一集，阿廉被揀中要分享「做過最嘔心的事」時，佢就提到20幾年前，成日都同鄭嘉穎一齊出去玩，試過有次玩玩吓要走火警，後來發現原來係虛驚一場，準備上樓繼續玩時，鄭嘉穎發現自己原來踩屎！「當時佢穿爬山鞋，鞋底有很多坑，佢叫我拎嘢幫佢挑，我用紙皮對摺幫佢囉，挑完之後大家走，一行到光啲嘅地方，看到我成面都係屎。」阿廉話原來挑屎時一直濺到自己身上，甚至「無為意口唇入面有啲嘢」，結果「全面全身都係屎」，見黎耀祥等人笑到拍晒手，阿廉即問「你哋食過屎未呀？」
節目尾聲時，4人圍埋食飯不忘傾心事，阿廉提到當年因為奉子成婚所以壓力好大，甚至有情緒病。
節目尾聲時，黎耀祥、阿廉同黃浩然講到一個好的家庭對事業有幫助，更叫蕭正楠好好諗一諗，但阿廉不忘搞笑話：「你可以有小朋友先，再結婚都得。」但蕭正楠就有啲敷衍咁表示：「得啦，有分數。」
一講到結婚話題，蕭正楠有啲hea。