【爸爸去哪兒】軒軒爸鄒市明左眼視力只餘0.1 老婆攙扶入院就醫
撰文：鄺鈺瑩
出版：更新：
鄒市明去到上海之後，要由助手同老婆攙扶，情況麻麻。（網上圖片）
曾參加《爸爸去哪兒》第3季嘅軒軒（鄒明軒），天真可愛加上一頭曲髮深受唔少姐姐同姨姨喜愛，早前重返《爸爸》，雖然身形同髮形都唔同晒，但懂得照顧Jasper、嗯哼等人，就令軒軒顯得更為成熟，而日前軒軒同爸爸媽媽以及細佬現身北京機場時，全程都笑得十分之燦爛。
軒軒早前以大哥哥身份重返《爸爸》。(網上圖片)
之不過，近日就有消息指，軒軒爸爸，亦即係中國著名拳手鄒市明因突發性失明而要接受緊急治療，就網上流傳的影片同照片所見，鄒市明走路需由老婆冉瑩穎同助手攙扶，並且不時用毛巾抹眼，而冉瑩穎亦於微博表示「今天對我來說，是最糟糕的一天。」、「無法入眠…天亮後，各項檢查就開始了」，還附上心碎、祈禱的表情符號疑似暗示鄒市明身體出現問題。
鄒市明雖然對兩位仔仔十分嚴格，但一有時間就會陪佢哋玩。(網上圖片)
其實早在2014年，冉瑩穎就曾經透露鄒市明左眼視網膜上有洞，而鄒市明當時亦曾表示看東西有些模糊，雖然已馬上進行手術，但就拒絕醫生延遲比賽的建議。如今視力似乎又再出現問題，令唔少網民十分擔心，並祝願鄒市明早日康復，可以同軒軒繼續一齊玩。而就係鄒市明就醫消息傳出之後，有內地媒體透露鄒市明左眼視力只得0.1，屬於三、四級視力殘疾。