「古惑仔」「反黑」為大佬B賀壽 吳志雄有6間餐廳:用來招呼朋友

撰文:蘇國豪
出版:更新:

「Happy birthday to you,Happy birthday to you...」今日除了是聖誕佳節之外、還是大佬B吳志雄的榮壽之喜,64歲正日呢日假尖沙咀唯港薈舉行盛大生日會,現場星光熠熠有蔡卓妍(阿Sa)、梁烈唯、陳惠敏、李燦琛、謝天華、劉偉強夫婦、唐詩詠等等,閃光燈閃個不停。

大佬B榮壽之喜笑到見牙唔見眼。(陳順禎)

身為主人翁的大佬B全程笑到見牙唔見眼,四周招呼賓客,開心到不得了。而眾所周知,吳志雄於1996年憑電影《洪興之江湖大風暴》飾演大佬B一角而走紅,當問到至今該角色不斷重演超過6次以上,有否厭倦或挑戰其他角色,他就表示:「其實,好多角色在大佬B角色中轉變,大佬B由古惑佬到現在講情義,最重要在入面帶到仁義、道義、順義三個義,希望觀眾在我電影學到咩叫道義。」

蔡卓妍前來為大佬B賀壽。(陳順禎攝)

大佬B除了演戲了得之外,做生意都十分勁,至今在內地已有超過6間飲食餐廳,問到是否要發展飲食王國,他就表示不會:「飲食王國做唔到,我們只是私營做下生意仔。」大佬B又話自己識煮嘢食,講到會不會好似李家鼎咁拍翻個「估惑佬廚房」,他表示:「不會,永遠不會,自己性格做事方法來。因為我好喜歡現在工作,餐館都是開來招呼朋友。」講到今日大喜之日有咩願望,大佬B就希望所有兄弟姐妹們身體健康,每日都開開心心。

古惑佬謝天華帶同太太一起為志雄哥賀壽。(陳順禎攝)
+6
大佬B一身綠色花花西裝,配戴巨鑽超閃。(陳順禎攝)
人稱「大佬B」的吳志雄傳因投資失利欠下巨債,身邊「兄弟」無人願意出手幫忙,惟古天樂卻主動幫他還債,大佬B還說:「之後我還錢畀佢,佢都唔肯要,其實唔係我問佢借錢,係佢畀我,佢當時嚟咗我屋企樓下,搵我老婆,寫咗張50萬支票叫我老婆交畀我。」(資料圖片/陳順禎攝)