周家蔚同洪天明終於合體 一個無表情一個無嘢講
撰文：鄺鈺瑩
出版：更新：
周家蔚平時無論係生活照定工作照，都一定會有caption，但今日上載同洪天明嘅合照就只係hastag兩個仔，到底係在心中定無嘢好講？（ig圖片)
自從被爆出疑似拖女返酒店之後，洪天明就話事件令老婆周家蔚唔開心兼夫妻感情受影響，但周家蔚係未真係唔開心呢？見佢近日除出席陳敏之囝囝雷子樂的1歲生日會之外，重扮到靚一靚咁又同一班姊妹舉行聖誕聚會，似乎都幾happy咁。而平安夜，周家蔚更帶埋兩個仔洪大仁（TJ）和洪竟琋（JT）去到片場探爺爺洪金寶班，之後又透露自己身處河南嘅安陽市，不過所有活動，都唔見洪天明蹤影……
周家蔚前日話同仔仔去咗河南探班。（ig圖片)
直到今日，周家蔚上載嘅合照，終於齊人，有兩個仔之餘，亦有洪天明，兩公婆自出事後「首次合體」，周家蔚嘟嘴走cute路線，兩個寶貝仔就看似十分興奮，唯獨洪天明零表情咁望鏡頭……而張相就連caption都欠奉，只係得「#tjhung」同「 #jthung」兩個hastag，同以往周家蔚嘅留言方式似乎有所不同。