胡鴻鈞電台訪問回應「刀削面」傳聞：我會將自己P到最瘦
撰文：張嘉敏
出版：更新：
胡鴻鈞入行無幾耐個樣。
入行至今7年不斷被指有整容削腮骨瘦面的胡鴻鈞，最近又有報道再大字標題話他刀削面，還附上他這7年來的進化圖。他日前接受商台主持梁泰來訪問時談到有關傳聞，當然例牌否認啦，仲即場叫主持摸他的面來驗證一下他有否削過骨。他說：「係塊臉瘦咗，一來會少咗Baby Fat，二來，我做運動都一定有幫助。影相或者係角度問題，又或者我的確會P圖啦，既然啲相會放上網，我就一定要調色，將自己P到最瘦，眼睛整到最大。」
近年個樣，塊面真係「削」晒。
他又自言其實上鏡時，仍可以看到他面上有肥肉存在。對於網民評擊他削面整容，胡鴻鈞曾經試過刪除部分負評，但現在已不會這樣做：「依家睇返自己以前咁做好幼稚，以前唔識面對，會選擇逃避，但我都成長咗。正所謂『食得鹹魚抵得渴』，呢七年嚟，我學識咗點樣去接受批評嘅聲音，去擁抱呢啲聲音。」
胡鴻鈞話已經學識咗接受負評。
咁瘦唔使再P瘦自己啦。