【反黑】第二季劇集落實開拍 最強古惑仔人選原來係佢?

撰文:林迅景
出版:更新:
好期待吖,第二季幾時先有呢?(影片截圖)

網劇《反黑》播出之後好評如潮,Youtube播出期間在香港仲形成了一陣《反黑》熱潮。在一遍呼聲之中,終於這套100%香港製的劇集就要推出第二季。日前(12月28日),《反黑》劇組更在其facebook上放上了一條宣傳片,「反黑・行動代號 《三條二》」,並正式落實了開拍第二季。

大家又認唔認到有邊個?(影片截圖)

片段中可以看到,已經有陳小春(鳳凰),陳國坤(張Sir)以及宋本中(導演)等人的身影。其實由一開始拍攝《反黑》時,宋本中已計劃拍成一個三部曲,每季也會有一部電影配搭推出。雖然第一季的電影胎死腹中而只有劇集。但是早前的 宋本中訪問 當中,宋本中已經拍心口保證第二季會有電影版。而這次facebook宣傳片上「MISSION ONE-【第一條二】」,眾網民也猜測著「第一條二」的意思,有可能是上映日期2月22日又或只是指第二季。不知道電影版的開拍又是甚麼時候呢。

招積呢個角色直頭係度身訂造俾張建聲咁。(《反黑》劇照)

至於第二季的選角方面,張建聲透過電話回覆《香港01》時說:「其實我同編劇(鍾盛遠)開完會。角色方面因為都要度期,片酬同埋角色配唔配合,所以我哋都仲傾緊。當然我哋都想用返舊有班底,小春,阿Sam,惠敏哥,吳志雄呢幾位。其實都已經有第三季計劃,不過我哋始終係第一次磨合,喺第一季度又留咗好多伏筆,所以都係想俾心機搞靚個劇本先。其實第2季嘅故事會比第一季更加密集,所以我哋想慢慢度靚個劇本先。」

小羽呢個角色其實都做得唔錯。(《反黑》劇照)

其實網民心中都希望有陳浩南(鄭伊健)、秋生、張耀揚等人出山。雖然角色人選就尚未落實,不過言談之間,張建聲被問到最想找誰參演時,他說:「我個人就比較反傳統嘅。如果唔理之前講過嘅度期,片酬嘅嘢。我就梗係想搵我哋嘅民間特首劉德華啦,吳鎮宇,張家輝呢幾位前輩都好。當然呢個只係我嘅幻想啦。」講真,如果第二季有呢幾位影帝級加入都正喎。

+10