謝霆鋒創業初期遇上巨變 掩飾老闆身份自稱茶水部主管
撰文：溫菁莉
出版：更新：
呢幾日最多人討論嘅話題一定係謝霆鋒回歸樂壇，除了日前做叱咤頒獎禮開場嘉賓之外，引來不少樂迷期待佢幾時落實開演唱會。日前他接受了森美網絡節目《森美搜尋器》訪問，佢就講出了點解當時返唔到樂壇唱歌嘅原因。原來係2003年剛開設後期製作公司的霆鋒遇上一個巨變，他笑言感覺好似中咗10支箭，「創業頭2，3年突然之間市場由菲林轉數碼，全部買嘅二手器材唔適合用，你諗下我嗰陣幾坦蕩蕩，好驚。所有嘢要由頭學過。所以我點解返唔到嚟唱歌，就係因為中間好多嘢好弊。唔搞唔得係會死人！！」
謝霆鋒日前接受森美網絡節目訪問時，就講出了點解當時返唔到樂壇嘅原因！
謝霆鋒2018正式回歸樂壇 演唱會搞得成大家想聽咩歌？【叱咤】謝霆鋒驚喜現身頒獎禮 Chef Lemon揸結他做返歌手好
創業初期市場由菲林轉數碼，霆鋒坦言感覺好似中了10支箭。
節目上森美就提到以前為廣告配音時曾到過霆鋒開設的製作公司「Po朝霆」，仲意外見到對方心裏感到好奇怪。為人低調的霆鋒笑言當時為了掩飾自己是老闆身份，不惜在卡片上自稱是茶水部主管，「當時啱啱開始創業，唔想有太多聲音去擾亂公司，自己又好，希望外界對呢間公司嘅出品係公平地睇佢嘅好與壞。」過了8年，霆鋒開設的製作公司開始在北京、上海各地開分公司，他是幕後老闆身份逐漸曝光，「太難再同人講係茶水部主管，由裝修個個人都見到我帶嗰安全帽出入行嚟行去。」