【誇世代】無綫用貼地對白反映社會崩壞 食埋子華神金句好應景

撰文:
最後更新日期:

《誇世代》昨日迎來了陳嘉寶和余德丞一起回歸,不過卻是以情侶身份,搞到本為余德丞女友的麥明詩十分傷心。不過陳嘉寶飾演的宋安安在回港後有極大的轉變,除了搶了自己堂妹的男朋友外,在心態上也有很多的變化,搞到飾演她老豆的歐陽震華都有些擔心,捉了她入房傾心事。

係三角戀呀!(電視畫面)

當歐陽震華問她為何有此轉變,以前的宋安安不是這樣,她就答:「你唔好同我講以前,以前嘅我兩個字可以講晒,愚蠢!你唔係覺得我為咗嗰啲所謂嘅公義,有書唔讀,走去抗爭唔愚蠢嘛?/香港無運行㗎喇,我哋做幾多嘢都好喇,香港人係唔會變,我哋呢一代就算捱十世都買唔到一層樓,我而家諗通咗㗎喇。唔好問自由係點,最緊要無乜風險,唔跟大隊就唔使怕醜,除非你快過隻狗。」

要出手教囡喇!(電視畫面)

呢段說話跟TVB一直以來的取向十分不同,想不到竟然可以貼地地出街,認真唔話得,證明劇組都有花心思在對白上。而大家有無覺得最後一句對白好熟口面?其實子黃子華在2012年《洗燥》棟篤笑的金句,講述羊群效應的心理:「我哋做羊嘅,最緊要我哋要記住四句金句:唔好問自由係點,最緊要冇乜風險,跟大隊係唔使怕醜,除非你快過隻狗。喺人類裡面能夠離群,唔跟大隊,又走得快過隻狗嘅,係永遠都有啲咁叻嘅人,永遠都有啲咁卓爾不凡嘅人。」

子華神嘅金句,幾時都咁好用!(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。