【兄弟】王浩信第三次在劇中被怒摑　今次隨時又破被摑次數紀錄

無綫下年的重頭劇《兄弟》現在拍得如火如荼，由王浩信(Vincent)、楊明、伍允龍及朱晨麗主演，劇集好多時都要上擂台打拳，之前已經報道過他們試過一日打足14個鐘，真係用心製作㗎！早前，Vincent在拍攝期間接受傳媒訪問，那一幕是他和江嘉敏上擂台，好奇怪呢男同女上擂台，而且還是Vincent打嘉敏呀！

當然喇，一齊都是借位，嘉敏在被訪時說到自己沒有被Vincent打到，反而Vincent就自稱俾人狂打，他說：「係我最熟悉嘅掌摑戲，嗰一take我諗打咗廿幾巴都有，佢一路打一路喊，情緒好激動嘅，希望可以打醒我。都算好㗎喇，兩take搞掂，加埋都五十幾巴！」點解話自己好熟悉？事關2012年無綫台慶劇《名媛望族》裡，他被劉松仁摑了13巴，更因此導致顎骨移位。2013年台慶劇《法外風雲》，謝雪心連續向王浩信摑了23巴，再在他身上打13下，亦因此在當年的《萬千星輝頒獎典禮2013》奪得「飛躍進步男演員」。