周慧敏再著宮庭裝開show 製作總監古巨基好期待：唔好問點解
撰文：林迅景
出版：更新：
古巨基一直都是樂㙵之中其中一位多才的歌手。除唱歌之外，還有演戲、畫畫、設計等都難不到他。雖然2017年在香港樂壇似乎就失去了他蹤影，但原來他在新一年已經有幾個計劃進行。
真係好耐冇見過基仔啦。（梁碧玲攝）
古巨基接受《香港01》訪問時說：「我同編劇度緊一個自己搞嘅電影，係一個勵志喜劇嘅方向。」雖然基仔就表示電影的名字以及細節尚未決定好，不過電視劇方面就有新計劃。「劇方面就有可能會接拍一個內地電視劇。嗰個電視劇讓我感興趣嘅係，佢會同我一齊傾，為我度身訂做。其實我哋都傾過好幾次，我都覺得係幾好嘅一個題材，所以會發展落去。如果開嘅話，應該會係今年年尾左右。」古巨基更説，劇本背景是上海灘的時期。咦，咪即係許文強？
如果古巨基再拍劇，就應該會係2013年之後第一套電視劇。（梁碧玲攝）
除了拍戲之外，古巨基擅長的就當然是唱歌。古巨基早前答應擔任周慧敏（Vivian）演唱會的製作總監，古巨基表示工作已經準備的差不多。「1月尾靚女Vivian開演唱會，我會幫佢做總監嘅角色。其實所有製作嘅部份，我都需要同靚女、其他夥伴們一齊去進行。靚女都band rehearsal咗好多次，舞都得排得好好，衫嘅部份都已經有第二輪嘅試衫。所有嘢都已經get ready。」
好期待Vivian個演唱會，有宮庭裝喎，真係要同基仔講聲多謝。（梁碧玲攝）
訪問中，古巨基更透露了一些周慧敏演唱會的「重點推介」。古巨基說：「我好期待有2 part。一part就係宮庭裝，唔好問點解啦吓。另一part就係『美少女』（美少女戰士）。我諗好多朋友同我一樣，都好期待，合體吖嘛。所以佢哋點樣出現同埋場景嘅感覺，都有一啲特別嘅設計。」喔，對了，「八足咁多爪」的古巨基最近忙於他自己的廣東大碟上。古巨基說：「所以今晚上嚟《流行經典50年》，除咗帶一啲陪住大家成長嘅歌之外，仲帶咗首新歌《初心 》。準備緊全新嘅廣東碟，之後嘅會一波一波嚟緊。」