趙麗穎唔識游水照跳船 成功洗白替身之說
撰文：鄺鈺瑩
出版：更新：
趙麗穎入水前重笑笑口，證明唔緊張啦。（網上圖片）
內地劇集《楚喬傳》大收，令女主角趙麗穎人氣更盛，在剛出爐的《明星權力榜》當中，趙麗穎更撼贏楊冪、Angelababy，成為女星之冠。不過，人紅是非多，趙麗穎早前被網友指佢《楚喬傳》時，經常使用替身，表現不專業兼大牌，就係趙麗穎工作室嚴正聲明後，忙於拍攝新作《知否？知否？應是綠肥紅瘦》嘅當事人，日前就咁啱有場戲跳船戲份，又咁啱有唔少拍攝花絮照片於網上廣傳。
有威也又有工作人員在旁stand by，係需要少少勇氣啫。（網上圖片）
而呢場戲嘅重點：趙麗穎唔識游水，所以佢落水前夕就開玩笑同導演講：「希望我明天還能見到你。」照片傳出之後，唔少網民都紛紛大讚趙麗穎十分專業，又指佢冬天落水都可以笑得咁開心，亦有網民話唔介意落水救人。而替身之說，相信從此都唔會再出現。
但粉絲都話心痛……你估佢真係豆腐做咩?!（網上圖片）