南柱赫D&G活動襲香港 上次MAMA同志洙四圍玩！
撰文：沈洛嘉
出版：更新：
「南朋友」南柱赫同李聖經呢對YG小情侶，拍拖9個月不敵行程繁忙疏於見面，最終分手收場，只留下《舉重妖精金福珠》呢套超甜遺作畀俊亨同福珠嘅粉絲。而做返大家南朋友嘅南柱赫，今日仲嚟咗香港同大家見面！
攝影：張穎倫
南柱赫一現身D&G活動，現場的香港粉絲即時尖叫歡迎，更有用韓文大叫「多謝你嚟」同「你好靚仔」等！
其實南柱赫昨日已經嚟咗香港，準備出席今日喺海港城舉辦嘅D&G活動，前嚟支持南柱赫嘅粉絲更企滿兩層樓！而南柱赫現身時都企足分幾鐘畀傳媒朋友影相，不時又望上2樓同香港粉絲揮手打招呼，好識照顧fans啊！
南柱赫用廣東話同香港粉絲打招呼時好畀心機，都講得幾正㗎！
+15
而南柱赫接受香港媒體訪問時，就先用廣東話同大家打招呼：「大家好，我係南柱赫！」又講到上次嚟香港其實係去年12月MAMA頒獎禮時，唔係隔咗好耐就可以再嚟同大家見面真係好開心！今次係第一次參與香港品牌活動，每次嚟親都覺得香港嘅街道同夜景好靚，睇嚟南柱赫上次MAMA頒獎禮，真係同至親志洙去咗唔少地方玩喎！
南柱赫不時向商場2樓粉絲揮手，貼心照顧苦候多時嘅香港粉絲。
志洙當時就喺自己Instagram上傳咗3張同南柱赫喺香港嘅合照。（網上圖片）
【MAMA香港】Super Junior D.O.@EXO同行 南柱赫志洙到港
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/