李佳芯開工直踩22個鐘 冇得做運動保住BB肌:真係好難Keep㗎

撰文:郭敏玲
出版:更新:

當女神數量開始飽和時,大眾對她們要求自然會愈來愈高。樣靚必然是基本,但怎樣才算靚?至起碼要素顏都要見得人,才有資格叫女神。而李佳芯(Ali)可算是素顏界的Expert,她經常上載淡妝或素顏照到IG。素顏就如人生,有時候需要強大勇氣才能面對,不然只會畏首畏尾。幸好,網民認得出Ali素顏的樣子,而且都很buy。不少女士都想向她取經,到底素顏無瑕肌是怎樣煉成的?

【誇世代】35歲李佳芯一直keep住咁靚:拍完劇都會食宵夜

【誇世代】李佳芯零死角唔怕低炒 keep fit唔使戒口:我乜都食

在保養皮膚方面,Ali擁有不少策略。早前她講過不用開工時,就會一個人跑步、外出行山親親大自然,呼吸新鮮空氣,因為身體好就會皮膚好,聽落很有道理。不過都市人的最大障礙,就是欠缺時間。平日上班可能要OT,回到家又太累只願躺在床上,還要做運動養生嗎?不了!身為都市人的Ali,要開劇的時候,障礙幾何級數增加,護膚對策自然有所調整。

就算濃妝,喺閃光燈底下都可以睇得出李佳芯皮膚好好。(資料圖片)

李佳芯拍拖最緊要識體諒 女神最怕姿整男:GEL行頭著晒恤衫會驚

李佳芯唔怕樣衰堅持素顏出門 學埋書法繪畫:做返最舒服嘅自己

訪問當日Ali化了淡妝,提到如何養成素顏無瑕肌,她馬上說:「而家日日開工!你睇下我個樣幾殘!」可是照片從來不會說謊,面對眾多閃光燈打在Ali臉上,仍然雪白無瑕,就知道她只不過是謙虛。可能早前因壓力大太,李佳芯的卵巢附近生了10cm囊腫,自此之後都會注意身體,多看中醫慢慢調理身體。所以繼上次李佳芯以護膚角度分享保養心得後,今次就以養生及品味角度與大家開心share。

+5

「一日24個鐘,有22個鐘都係開工,真係好難keep㗎,最好嘅方法就係叫自己唔好諗嘢。」作為藝人,Ali更明白壓力的影響有多大,有時連skincare都未必幫到手。「唔好諗嘢」看似講咗等於無講,但對Ali來講十分重要。如何有效地放空?這是一門學問,Ali就會靠其他東西輔助。「開工開到咁密,又冇得做運動同出去。返到屋企一定要放鬆,自己一個人靜下,瞇埋眼唞下,如果識嘅話可以試下打坐、冥想,甚至係深呼吸,只要唔駛諗嘢嘅話就得㗎喇。」

Ali好明艷照人。

不過如果心有雜念、無法放鬆,Ali推介以香薰油幫助紓緩情緒:「我鍾意天然嘅味道,唔同味道有唔同感覺,如果好眼瞓咪聞啲strong啲嘅味organic oil。個個口味唔同,我會揀啲醒神啲嘅味,拍完喊戲個人精神好亢奮,我就會聞返啲薰衣草、玫瑰,呢個係最快最即時做到嘅嘢囉。」常常說外敷內用,總會忽略情緒需要。其實心情精神好,自然便會容光煥發,聽完Ali分享之後,都會覺得幾work,大家不妨可以試下。