松岡李那又凍又熱賀新年　42度高溫下做Pink Lady同陽光玩遊戲

日模松岡李那（Linah） 自從將發展基地由香港搬返家鄉日本之後，就好少可以見她於香港出席活動喇，想留意她的最新動向，當然要睇住她的Instagram啦，因為Linah不時都會更新她的IG，上載好多靚相同粉絲開心share自己的近況。踏入新一年，Linah就慶祝新年兼又去埋外地旅行都無偷懶，有繼續更新IG㗎。今日她仲上載了幾張索爆比堅尼相，並留言表示：「Soooooo hot 42°C，Happy new year trip」仲拍了一段浸溫泉的片。原來她去了旅行度歲，雖然她沒有說自己身在何處，不過就肯定是熱辣辣的地方啦，有成42度喎，有網民就估她正身處目前是炎夏的澳洲喇。

而Linah去呢個咁熱的地方之前，就於日本迎接2018年，同朋友一齊去了參拜祈求新一年事事順利。日本就當然是好凍啦，Linah著晒樽領衫襯長褲加羽絨外套包到實。離開了家鄉去到咁熱的地方旅行，梗係即刻換上比堅尼曬下太陽先啦。