【冬天的冠軍】馬國明係TVB西伯利亞人 咁凍都係Tshirt加件褸咋
撰文：郭敏玲
出版：更新：
做呢個訪問嘅記者當日見到馬明咁著，都呆咗一陣，因為咁凍！！！（資料圖片）
今晚氣溫驚變單位數字，不過對於高登仔來說，只不過是：「天氣轉涼了，著多件背心先！」真的要向這班戰鬥民族致敬。不過話時話，講起天氣轉涼，就回想起馬國明，他可能是TVB的西伯利亞人。皆因他在2016年12月接受《香港01》的訪問，當天身處出名荒涼、食風食到應一應的將軍澳電視城，氣溫大約15、6度，可是馬明僅穿一件短袖Tshirt。而且風吹起時，只穿短打的馬明卻不為所動，面對鏡頭輕鬆地擺出各種pose。
睇返《降魔的》，馬明著嘅衫同現實中差唔多…
兩年後的今日，正值氣溫急降，於是就抱住好奇的心問馬明，他也直接地說：「我不嬲真係唔怕凍㗎！喺香港著羽絨嘅日子，一年都唔知有一次！」馬明真係西伯利亞人，冬天的冠軍喎！
後來馬明講起自己金剛不壞之身，由他過去多年拍劇經驗所煉成：「以前喺內地得個幾度，拍戲嘅時候都只係著住件薄薄哋嘅戲服，咁就ok㗎喇。你話我係咪TVB最唔怕凍嗰個？咁又唔知喎！不過好多男仔都係咁嘅好似！可能我年紀大啲就唔同啩！」高登仔天氣轉涼就著返件背心，咁馬明呢？他比較謙虛：「頂盡都係著件Tshirt，再外加一件褸，厚厚哋厚過風褸少少咁囉！」唔知點解聽到馬明咁講，反而仲凍咗…
+4