有家燕姐李司棋加持 《溏心風暴3》同《 誇世代》收視全面回暖
撰文：溫菁莉
出版：更新：
自從《降魔的》大結局之後，大家夜晚食飯睇電視就要「焗」睇《誇世代》及《溏心風暴3》。播出以嚟評價都麻麻，《誇世代》就因為夠「cult」令到收視一度起死回生，力壓《溏心》。估唔到今個星期收視全面好暖，下午TVB就發佈了上星期的收視報告，《誇世代》竟然有24.9點，而且今個星期劇集開始進入結局篇，相信再努力啲啲破25點指日可待！
上星期《誇世代》有家燕姐助陣，所以收視回升。
《誇世代》收視回升係有原因嘅，，因為上星期有家燕姐助陣，係劇中同契仔森美大跳十字舞，加埋《皆大歡喜》的主題曲。仲有兩個星期先播完嘅《溏心風暴3》，雖然收視唔係特別高，而且有部分觀眾可能會上網用盜版方法去睇《溏心風暴3》。但唔知係咪上星期有幾日紅假，所以成績都算唔錯，有23.8點，收視比起上星期高2.7點。相信要全靠日前李司棋怒罵陳敏之一幕，一句「你去做雞喇你！」，成功挑起近日網民嘅討論，一而再再而三咁瘋狂翻睇。
《誇世代》有24.9點，幾好。