江若琳願做「壞蘋果」曬大粒鑽戒 生煎包王蕭潤邦趁生日求婚成功
撰文：張嘉敏
出版：更新：
好閃呀！
有「生煎包王」之稱的蕭潤邦（Oscar）昨晚與女友江若琳（EIanne）慶祝完他的37歲生日，女友更在instagram上放閃，上載兩人的甜蜜合照公開向Oscare大呼「I love you！」女友呢頭曬完幸福，Oscar就緊接住於同日宣布喜訊，原來他在生日會上向Elaine求婚並且成功，兩人拍拖至今不足1年，都算是閃電求婚㗎，不過兩人已經認識了超過10年以上，一直都係好朋友，對彼此都有好深的了解。
Oscar趁37歲生日決定成家立室。
Oscar於IG上載他拿着一大束花摟住女友的相，相中可見Elaine左手中指戴上了好大粒的鑽戒，掩嘴甜笑，Oscar留言表示：
「我今年30＋7，今年的生日禮物非常特別，是一個壞蘋果，一個將會永遠被寵壞的蘋果！
求婚成功
蘋果I Do左
所有愛她的家人及朋友們，請放心，我會永遠用心地支持她，保護她，讓她不必再當女漢子，讓她當我好內子！
以後有歌你唱，有包我煎，有包食包，有飯食飯，有福同享，有難我當！
各位！不好意思！準備收紅色炸彈吧！BOOM」
真係好sweet呀！恭喜晒！
好多人留言祝福佢哋。
兩個拍拖唔夠1年已經認定對方。