【誇世代】70歲姜大衛拍擂台戲唔用替身 最鋒利嘅刀係唔會生銹嘅

撰文:
最後更新日期:

台慶劇《誇世代》仲有幾集就完,大家越追越起勁,究竟陳豪有幾癲,玩完穿越再玩蝴蝶效應,嚟緊仲會出現喪屍,港劇嚟講真係前所未有。

《誇世代》連蝴蝶效應都玩埋。(網上截圖)

麥明詩分享一條姜大衛拍擂台戲份嘅短片。(網上截圖)

當大家都好緊張估緊大結局時,有份參演做宋佳佳嘅麥明詩就回帶,喺Facebook度分享一條鏡頭外姜大衛打擂台嘅片,姜大衛喺劇入面做Bobby嘅阿爸,就叫宋禮,嗰集就講佢患癌,但為咗完成心願堅持親身上陣完成擂台比賽。

雖然成日睇姜大衛廣告話「再鋒利嘅刀都有生銹嘅一日」,但姜大衛本人就一啲都冇生銹,雖然已經成70歲,但拍擂台嗰時大部分佢都唔用替身,選擇親身上陣,但睇條片完全係好fit到震,動作鏡頭完全難唔到佢,企喺隔離拍片嘅麥明詩都話:「John哥咁專業嘅精神,我問心自愧不如。」

姜大衛成個人飛起咗。(網上截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。