【溏心風暴3】岑麗香喊戲連場演技大爆發 內心戲有發揮喊得淒美

撰文:
最後更新日期:

香香同李國麟呢場戲大曬演技。

無綫50周年台慶重頭劇《溏心風暴3》昨晚播出的一集,令人印象最深刻的相信就是Belle (岑麗香飾) 的兩場喊戲。香香憑住呢套劇有份獲提名角逐今年的視后,雖然有不少人覺得香香今次屬陪跑多,好難贏到幾位老戲骨稱后,不過香香於昨晚那集亦證明了給大家睇,她有靚樣之餘都的確是有演技的,絕非只是一個花瓶般存在。她於劇中的兩場喊戲,可以說是演技大爆發,說的不是呼天搶地的嚎哭,而是充滿內心戲的演繹,可以睇得到香香的戲是由外而內再由內到返外,尤其是香香同王浩信剖白的一場戲,真係喊得好淒美㗎。

想喊但又要忍住唔可以爆喊。

講返昨晚兩場香香的喊戲,第一場是她找到離家出走的老竇Alan (李國麟飾),香香忍不住喊但又同時要安慰個老竇,強忍淚水唔敢畀老竇見到自己咁傷心,最後心痛老竇而像小女孩般哭了出來,香香都好好戲㗎,直情搶晒李國麟。另一場戲是她與Kyle (王浩信飾)講清楚自己要嫁人,王浩信剖白心中感受難過痛哭,兩人都演得相當入戲,見他們喊都令人覺得心酸又淒涼。王浩信演技好就不容置疑㗎喇,而香香都唔弱,最後香香在車上喊到樣都變埋但依然咁靚女都好難㗎。

香香同王浩信呢場戲又係好好睇。

好淒涼呀。

【溏心風暴3】王浩信同岑麗香愛情線老土 今時今日仲玩賣身救父



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。