MC Jin返無綫拍《法証先鋒4》？Bobby： 兩個『歐陽』相遇好開心

台慶劇《誇世代》進入大直路，結局快將揭曉，個個都好緊張，飾演男主角宋仲基的Bobby（歐陽震華）仲率先曝光咗張劇照，睇嚟之前話有打喪屍嘅劇情係堅料嚟。宣傳完《誇世代》，Bobby就分享咗一張喺上海偶遇開緊演唱會嘅MCJin（歐陽靖），上面就寫道：「兩個『歐陽』有緣在上海相遇，好開心呀！」，而MCJin又覆返佢：「好朋友就要珍惜。」睇嚟好似好Friend咁，但兩個人之前好似冇合作過㗎喎。

原來早喺上年11月維基百科似層層咁爆料話《法證先鋒4》有馬國明、黎諾懿、萬綺雯參演，講到好似真咁。不過空穴來風，之後監製梅小青又喺微博度Share自己參觀法證儀器嘅相，答應呼之欲出喇！

上個月其實Bobby私下約咗同MCJin聚一聚，有網友就話合作《法証4》睇好你咁，MCJin不但冇否認，仲話：「我隨時準備好出發做調查。」唔通MCJin正式返娘家拍劇？但佢之前返大陸拍《中國有嘻哈》震驚咗中國13億人口，唔知佢嘅片酬會唔會十級跳呢？但事後我哋搵到MCJin問係咪真係落實會拍《法証4》，佢就話原來係流料嚟，真係可惜，好想喺大台見到Hiphopman啊！