《名廚爭鋒》謝霆鋒向名廚David Rocco挑機 David嚟咗香港食唔停

撰文:
最後更新日期:

Chef Lemon將會挑戰世界級名廚David Rocco。

謝霆鋒重返香港樂壇出新歌,不過他仍然沒有放低Chef Lemon的身份,除了繼續出得廳堂入得廚房,他仲要挑戰各國世界級的名廚!FOX Life剛剛宣佈即將推出全新原創節目《名廚爭鋒》第一季,由Chef Lemon向加拿大星級名廚David Rocco挑機,在節目中來個廚藝大對決,中西烹飪絕技都會出齊,到時大家應該隔住個芒都睇到流口水喇。而David Rocco於他的instagram透露自己呢幾日來了香港呀,仲品嚐了不少地道美食包括雲吞麵、魚蛋粉同埋炸醬撈麵等,唔知有無趁此行會一會Chef Lemon交流一下呢?

David Rocco尋日都仲喺香港㗎。

首季一連五集的《名廚爭鋒》入面,Chef Lemon同David Rocco兩位星級廚師會帶大家走訪亞洲,而各地本土名廚就會親自擇選鍾愛的地道菜色式給兩位名廚烹調來決勝負,展開料理大對決,挑戰之餘亦都會將各個城市的飲食和文化帶給觀眾,有得睇比賽仲好似睇緊旅遊飲食節目咁㗎。

David Rocco是義大利裔加拿大籍名廚,他擁有多個教煮節目,在全球網絡熱播。他喜歡邊走邊煮,正如他自己所說:「I cook, I eat, I travel。」到世界各地旅遊四處吃吃煮煮是他最大樂趣之一,就算在街上他都隨時可以一展廚藝,真係去到邊都煮到。睇來Chel Lemon要戰勝呢位國際級名廚真係唔容易㗎。節目將於今年上半年在FOX+ 及FOX Life (Now TV 頻道521) 播放 ,中國大陸地區則由騰訊企鵝影業同步播出。

David喺香港食咗好多地道美食。

謝霆鋒化身Chef Le Mon又再入廚獻技 隔住個芒都睇到流口水呀

Chef Lemon今次有勁敵喇。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。