【流行經典50年】姜麗文簽TVB未夠三個月 拍完賀年節目再拍劇
撰文：鄺鈺瑩
出版：更新：
姜麗文首次到TVB錄影節見，爸爸秦沛一早到場打氣。（梁碧玲攝）
杜德偉、姜麗文、吳業坤、區永權以及台灣歌手戴愛玲為《流行經典50年》錄影，由於節目於新年期間播出，所以眾人打扮均以紅色為主，而姜麗文更以旗袍上陣。
去年簽約TVB的姜麗文笑言入行10年才有機會拍攝大台節目，即感恩又新鮮，爸爸秦沛更特意到場打氣兼在旁拍照。「今次係入行咁耐第一次在TVB唱歌，爸爸當然要支持啦。」她透露將會盡唱經典賀年歌如《財神到》，但由於自己鬼妹仔，所以很擔心錄影時會出錯。
身穿旗袍的她身形甚fit，但原來最近忙於拍節目的她因吃過不停而增磅了。「最近家燕姐拍賀年節目，每日都食得好豐富，又海鮮又有鼎爺私房菜，肥咗幾磅，自己第一次同家燕姐合作，佢真係超級照顧我，今日都係佢叫我來玩。」其實除了節目之外，姜麗文4月亦將會拍劇，但角色或對手她一概表示還未知道，但仍然十分期待，並謂會做好準備。「自己每年都上course學戲，所以暫時來說都未太擔心。」